Fjalë Kyçe

Parashikimi i motit për dy ditët e ardhshme, temperaturat shkojnë deri 26 gradë

Parashikimi i motit për dy ditët e ardhshme, temperaturat shkojnë deri 26 gradë

Në dy ditët e ardhshme në vendin tonë do të mbajë mot kryesisht me diell dhe vranësira të pjesëshme.

Sipas Institutit Hiderometerologjik të Kosovës, të enjten vranësirat do të dendësohen, duke përfshirë gjithë territorin e vendit.

“Parashihen reshje shiu dhe vende-vende shkarkime rrufesh (ditën e enjte), ndërsa të mërkurën parashihen rreze dielli dhe temperatura të larta. Indeksi UV do të shënoj vlera të rrezikut, prandaj këshillat e IKSHP mbeten në fuqi, që nga ora 9-17 mundësisht të jemi sa më të kufizuar nga rrezet direkte të diellit ose të bartim masa mbrojtëse (vlen vetëm për ditën e mërkurë).”, thuhet në njoftim.

Temperaturat minimale do të lëvizin ndërmjet 3-9 gradë Celsius, ndërsa maksimalet e ditës parashihen të lëvizin ndërmjet 13-26 gradë Celsius.

“Do të fryjë erë e lehtë dhe lokalisht e fortë nga drejtimi i jugperëndimit dhe verilindjes. Kushtet agrometeorologjike mbeten të mira, falë këtyre temperaturave dhe reshjeve të cilat u regjistruan në këto dy dekada të muajit prill.”, njofton IHMK.