Ish-ushtari i UÇK-së drejt Gjermanisë për një jetë më të mirë, kjo është poezia e tij prekëse për atdheun
Blerim Leci është njëri nga ish ushtarët e UÇK-së i cili së fundmi ia ka mësyer Gjermanisë për të siguruar një jetë më të mirë për fëmijët e tij.
Por, dashuria dhe malli për atdheun ka bërë që ai të shkruaj poezi prekëse në Facebook.
“Kur valigjet mora në dorë, nuk e pata të lehtë
kur fëmijëve i ktheva shpinën nuk e pata të lehtë,
kur shtëpisë i ktheva shpinën nuk e pata të lehtë,
i fshina lotët, por prapë më tradhtuan.
Vendi im, u mundova të t’jap gjithçka nga vetja
edhe jetën ta dhash, u betova për ty
nuk prita që një ditë do t’lë,
që do t’detyrohem të marr rrugën e vështirë të gurbetit.
Punoj natë e ditë, por as kjo s’më kënaq
as paraja s’ka vlerë këtu,
me mendje atje, me trup këtu
edhe ëndërrat kanë pamje tjetër, nuk më kënaqin.
Një ditë, pres të kthehem
ndoshta nuk burgosem pas tij përgjithmonë,
ndoshta ti o vendi im, do kesh prapë nevoj për mua,
e atëherë do të kthehem, kur bukën e gojës mund ta nxjerr prej teje”
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]