Prokuroria ngrit aktakuzë ndaj një personi për ndërtim pa leje të katër vilave afër Batllavës
Prokuroria Themelore në Prishtinë, ka ngritur aktakuzë ndaj Y. I., për “ndërtim pa leje” dhe “heqje apo dëmtim të vulave zyrtare ose shenjave”.
Y. I. akuzohet se gjatë muajit mars-qershor të vitit 2021, në fshatin Orllan të Podujevës, pa siguruar leje ndërtimore ka ndërtuar katër vila për banim në pronën e tij. Ai ka vazhduar ndërtimin përkundër faktit se i ishte shqiptuar gjobë nga Inspektorati e po ashtu ishin vendosur shiritat për ndalim të ndërtimit.
“Prokurori i çështjes me rastin e ngritjes së aktakuzës, i ka propozuar Gjykatës që i pandehuri i lartcekur të shpallet fajtor dhe të dënohet sipas ligjit për veprat penale të cila i vihen në barrë, si dhe i ka propozuar Gjykatës të urdhërojë organet kompetente të Komunës së Podujevës që në kuadër të legjislacionit në fuqi të ndërmarrim veprimet e nevojshme për zbatimin e Aktvendimit për Rrënimin e Objekteve, të lëshuar nga Drejtoria e Inspeksionit të Ndërtimit në Komunën e Podujevës”, thuhet nga Prokuroria Themelore.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]