Propaganda për dinarin, Kurti në serbisht: Paratë s’mund të kalojnë kufirin me thasë, tërhiqen përmes llogarive në euro

Kreu i Qeverisë së Kosovës, Albin Kurti, përmes një video-informimi ka folur për çështjen e përdorimit të dinarit në komunitetin serb të Kosovës, duke u drejtuar atyre në gjuhën e tyre amtare.

Kjo vjen pas takimit të tij të fundit në Këshillin e Sigurimit të OKB-së në New York, të shtunën e kaluar, ku ai paralajmëroi se do të ndërmarrë këtë hap.

Emir Sahiti shkëlqen në fitoren e Hajdukut, dhuron tre asistime për bashkëlojtarëtPolonia nënshkroi “Shengenin ushtarak” së bashku me Gjermaninë dhe Holandën…Djali vret nënën në Rrogozhinë, e raportoi si vdekje natyraleÇfarë po ndodh? Statistika të frikshme të numrit të shkurorzimeve në ShqipëriArsenali pa mëshirë ndaj West Ham, shënon gjashtë herë për të mbetur në hap për titulli…
Kurti adresoi fushatën e dezinformimit kundër institucioneve të pavarura të vendit siç është Banka Qendrore e Kosovës, e cila është akuzuar padrejtësisht për të krijuar pengesa në rrjedhën e parasë.

“Ne jemi të qartë rreth synimit të Bankës Qendrore, i cili është formalizimi dhe protokolli i transaksioneve financiare, jo pengimi i përdorimit të dinarit ose ndonjë monedhe tjetër,” u shpreh ai.

Kurti theksoi rëndësinë e një sistemi të formalizuar pagesash për të garantuar që transaksionet brenda Kosovës të kryhen në euro, valutën e vetme zyrtare në vend.

Ai hodhi poshtë akuzat se rregullorja e re e Bankës Qendrore kufizon Serbinë në ndihmën financiare për serbët e Kosovës, duke përmendur se çdo sugjerim i kundërt është vetëm një formë e propagandës që synon të nxitë tensione etnike.

Duke folur më tej, kryeministri shpjegoi se, ndryshe nga sa është raportuar, rregullorja nuk ndalon asnjë valutë të huaj, duke përfshirë edhe dinarin.

“Pra, Kosova nuk e ndaloi dinarin, ashtu siç nuk e ndaloi as dollarin, as funtën dhe as frangun zviceran. I vetmi ndryshim është se nga 1 shkurti, paratë nuk mund të kalojnë kufirin me thasë, siç nuk mund të bëhet në asnjë shtet demokratik, por mund të vijnë përmes llogarive bankare, të tërhequra në euro. Kjo politikë mbron qytetarët nga kërcënimet e krimit të organizuar, trafikimit me armë dhe pastrimit të parave. Deri më tani, mënyra e futjes dhe transportit të parave përtej kufinjëve u mundësonte grupeve kriminale të merrnin para të importuara ilegalisht, duke forcuar kështu ndikimin e tyre mbi popullin, duke frikësuar masat dhe duke inkurajuar kriminelët nga kreu i shtetit serb”, u shpreh ai.

Nga data 1 shkurt, të gjitha paratë duhet të kalojnë kufirin përmes kanaleve zyrtare bankare, tërheqje që do të bëhen në euro, në përputhje me standardet demokratike dhe në përforcim të ligjeve të luftës kundër krimit të organizuar dhe pastrimit të parave.

“Krimi duhet mposhtur, duhet të ndalet pastrimi i parave dhe pasurimi i paligjshëm me qëllimin e lehtësimit të financimit të terroristëve dhe pengimit të paqes. Banka Qendrore e Kosovës i ka ofruar lehtësime për konvertimin e dinarëve në euro Bankës Popullore të Serbisë. Banka Qendrore e Kosovës ka siguruar hapjen e llogarive bankare në euro për ata që ende nuk e kanë bërë këtë, pa pagesë”.

“Vetëm mendoni se sa mundësi do të krijojë hapja e një llogarie të rregullt bankare për një pjesë të vogël të popullsisë që nuk e ka bërë ende këtë: fluksi i parave përmes llogarisë do të mundësojë regjistrimin e pagesave dhe disbursimeve të ligjshme, të cilat do të jenë baza eventuale e marrjes së një kredie apo fillimit të një biznesi, marrja e ndihmës nga institucionet e Kosovës, pavarësia ekonomike e grave, e cila në mënyrë të pashmangshme çon në mundësi të reja për një jetë më të mirë”, tha kryeministri.

Ai po ashtu shpalosi iniciativat e Bankës Qendrore për ta bërë kalimin në euro më të lehtë për komunitetin serb, duke përfshirë ofrimin e llogarive bankare në euro pa tarifa dhe mundësinë e konvertimit të dinarëve.

Kjo, sipas tij, do të hapë dyert për mundësi të reja ekonomike dhe pavarësi për të gjithë qytetarët e Kosovës, duke përmendur veçanërisht rolin që mund të luajë në fuqizimin ekonomik të grave.