SBASHK-u sot pas mbledhjes mori këtë vendim
Këshilli i Sindikatës së Bashkuar për Arsim, Shkencë dhe Kulturë ka mbajtur një mbledhje sot, ku edhe një herë është vendosur për vazhdimin e grevës.
Këtë e ka bërë të ditur vetë kryetari i SBASHK-ut, Rrahman Jasharaj.
Jasharaj u ka bërë thirrje institucioneve që të tërhiqen nga Projektligji i pagave.
“I drejtohemi institucioneve, pra kryeministrit, deputetëve, kryeparlamentarit, që Projektligji të ndryshohet ose të tërhiqet nga Kuvendi”, ka thënë kryetari i SBASHK-ut.
Në lidhje me kërkesat e SBASHK-ut ka folur edhe menaxheri i financave në SBASHK, Ymer Ymeri.
Ai tha se ose duhet të ngritën koeficientet, ose të tërhiqet Ligji.
“Janë dy mundësi: ose të tërhiqet projektligji dhe të qetësohet situata aktuale, ose që deputetët në seancë ta bëjnë një ngritje të koeficienteve, zgjidhje tjetër nuk ka”, ka thënë Ymeri.
Ndryshe greva në arsim po vazhdon edhe në javën e tretë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]